البارحهـ جانيـ من ::الحب::مرسالـ
من عقبـ ما بينيـ وبينهـ "خصيمه"
وانا ترى في الحـب مانيـب ::فعـال::
ولا بعـد "ولـع" بقلبـيـ هشيـمــهـ
ولا بعد غنيتـ فيـ ساعه "وصال"
ولا بعد ذقت "الفراق" وجحيمهـ
ولا جرى دمعيـ على الخد ::همـال::
ولا بعـد جربتـ "مـر" الهزيمهـ
حتى وردنـي تاليـ الليـل :جـوال::
وانا على // شاهي "وبسكـوت ديمـه"
الرقم ـ بايخـ ـ لكـن الصوت ـ قتالـ ـ
كنه كمثل صوتـ المذيعـه "حليمـه"
قالت : مسـاء الخير يـا طيبـ الفالـ
قلت :رحبيـ ترحيبه مستديمهـ
بالعود " والصفريـ " ودله " وفنجال
واجبك يا : بنت الأصـول الكريمه :
ردتـ بضحكه ثم قالت : وش الحـالـ..؟
قلت : اشـهد إنـ الحال عقبكـ سقيمهـ
قالت : وهي تضحكـ بعد مثل "الاطفال"
وانـا بعـد كنـي بدونـكـ " يتيمـه "
منـ يـوم قالتهـا : تزلزلـت زلـزال:
من فجعتيـ كنـي مسـوي :: جريمـه ::
قلت : ارفعي صوتكـ ترى مابه " إرسال"
" كـذاب " لكنـ المصيبـه عظيمـه
قالت : أقول اسمعـ ترى هرجنـا طالـ
ممكـنـ تصاحبنيـ ترانيـ وسيمه..؟؟!
واسميـ الحقيقه أولـ حروفه :: الـدال ::
لكنـ يسمونيـ البنـات " الزعيمـه :
صحيح أحب الفخفخه و : اعشق المال:
لكنـ ترانيـ : طاهره مستقيمـه :
ما عنديـ امغازلـ ولا ـ لعب يهال ـ
ماعنديـ إلا في " الشرف" و " الحشيمه "
بسـ الصراحه :: قلبي :: لشوفتكـ مال
واصبحت وحدك جالس فيـ ::صميمه ::
فكربعقلكـ واتركـ :القيـل والقـال :
واحذر تطيعـ اهلـ : العقـول العقيقـه :
وارسلـ علي الحينـ " خمسميه ريال "
أشحنـ بها جوال أختيـ "غنيمه "
أو " طقم غالي " فيه خاتمـ وسلسـالـ
أروح بهـ فيـ : عرس ولاعزيمه :
قلت : الحقيقه مانيبـ رجـل أعمـال
ولانيـ بتاجر والمـوارد عديمـه
أنا الصراحه شبـهـ : عطال بطـال:
وعلاقتيـ بالفقـر جداً " حميمـه "
والراتبـ الله : يرحم الحـال : ما زالـ
محدود والمصرفـ ربي :: عليمـه ::
: والدين بالالاف والبنـكـ شغال
ياكلـ : فلوسـي بالربا " و "الظليمـه:
و"السوق طايح" والغلا ضيقـ البالـ
والموتـ والله صاير اكبر"غنيمـه"
قالت: تحملـ بس والحمل ينشالـ
خلكـ شديد الباس :صلب العزيمـه:
ياخيـ تصرف جعلكـ تصير " نشال "
أهم شيـ إنـ " النوايا سليمه"
لابد تفهمنيـ على كل الأحوال
ما دمت من أهل:: العقول الفهيمه::
قلت: إيه والله فاهمـ اللي على البالـ
لكن ترى هذيـ علينا :: قديمه::
يابنت هذا صاير اليوم موالـ
لليـ تبي تلعبـ على "إبن اللئيمه"
يابنت ماتدرين كـمـ فيهـ ::محتال::
يلعب على الحبلين وانتيـ " غشيمـه "
يابنتـ كم منـ "جاهله" دمعها سالـ
من عقب ما جات العواقبـ "وخيمـة"
والبنت لا اقفى عرضها بيد ::الأنـذال::
والله مـا يبقـى لهـا أي قيــمهـ
قالت : تبي ولا فخلك على جالـ
مهوب ناقصـ نصايحـ"حكيمه"
عز الله إنكـ للأسف منتـ ::رجـال::
وانك : قليل الذوقـ ما فيـكـ شيمه :
// يا لعنبو اللي ما يسطرك" بنعال"
حتى يعلمـك"الغزل" يا"بهيمه"//
::تفو:: عليك وصكت الخط في الحال
مدري :: تفو :: هي مدح ولا شتيمه..؟!!
